Ég setti upp nýja síðu á www.pjakkur.net. Hugsaði mér að við gætum notað hana sem blogg tól í staðin fyrir þessa síðu. Þeir sem vilja geta líka fengið póstfang, xxxx ( hjá ) pjakkur.net og svo er líka hægt að nota myndaalbúmið þarna til að deila myndunum með okkur hinum  Endilega kíkið á þetta og segið mér hvað ykkur finnst, og ef þið viljið aðgang til að geta bloggað/sett inn myndir, setjið þá bara inn komment eða sendið mér póst (binni ( hjá ) pjakkur.net).

 

Ef ykkur finnst þetta ómögulegt þá megiði líka segja mér það

Hvernig gengur með listana? 

 

Núna eru bara Binni og Obba búin að skila mér listum....og það er bara afþví ég áreitti Binna í marga marga daga og hélt byssu upp að höfði Obbu á kaffibarnum og rétti henni servettu.

 

Koma svo krakkar!  Skilið mér listunum áður en ég sendi á ykkur handrukkara.

 

Knúsímúsí rúsínurnar mínar.

 Laufey

 

Sælir elsku vinir,

 jæææææja nú erum við í haust búin að þekkjast í 10 ár!  Þykir okkur flestum þá vera tilefni til þess að halda stærsta party sögunnar.  Uppi eru hugmyndir um að fara út að borða og leigja saman sal og græjur...jafnvel splæsa í bollu?  Þetta verður ekkert svo dýrt þegar við erum svona mörg!

 

Næst á dagskrá er að finna dagsetningu og gestafjölda.

DAGSETNING.  Við ákváðum í e-u flýti í afmælinu hennar bjarneyjar að hafa teitið laugardaginn 27.júlí því það er EINA helgin í sumar sem að allir komast...að við héldum.  Svo var Binni svo góður að benda mér á að Heiðdís og Elli eru að gifta sig sama dag...og varla vilja Inga og Binni mæta þangað þunn, svo föstudagurinn kemur heldur ekki til greina.  Þá er ekkert í stöðunni nema að hafa partyið laugardaginn 1.september!!  Og þeir sem ekki taka þann dag frá þurfa að mæta mér í hnífabardaga (þið fáið ekki hníf).  Það er engin afsökun að vera að vinna eða blabla....þið hafði 2 mánuði til að redda ykkur fríi!  (ég er ekki í alvöru reið...né að fara að mæta fólki í hnífabardaga).

GESTAFJÖLDI.  Nú skuluð þið elsku krakkalingar skrifa niður ALLA sem ykkur dettur í hug að bjóða og senda mér listann.  Svo tek ég saman hvað það eru alls margir....því væntanlega munum við mörg skrifa niður sama fólkið.  Ef það eru of margir gestir þá hef ég samband við þá sem eru með flesta gesti og við skröpum nokkra vini og vandamenn af þeim lista. OK?  Ekki vera feimin við að skrifa niður fólk!  More the merrier!  Þá munum við tékka á sölum og verðum og þá kemur betur í ljós endalegur gestalisti.

 

 KJARNI MÁLSINS: 

 SEGA MEGA vina stórafmælisteiti 1.september.

Útbúa vinalista með zilljón vinum og kunningjum. 

 

 

 

 

Over and out.

Laufey

Jæja, Bjarney á afmæli í dag.  Í tilefni dagsins fer hún út að borða með Kela og svo ef einhverjum langa rað hitta hana eftir það, má hafa samband

 Á föstudag/laugardag verður afmælisveisla og kveðjupartí (seinasta partíið áður en ég fer í Vatnsfjörð).  Á hvaða degi viljiði koma heim til mín í fyllerí? 

 Látið heyra í ykkur!

Hey hermano.

Nú er komið að því að kallinn á stórafmæli, orðinn 25 ára og við ætlum að halda uppá það með smá grillveislu á föstudaginn.  Í boði verður grillmatur, smá bjór og hvítt og rautt.  Ef þið ætlið að hrynja í það, er kannski sniðugt að koma með eitthvað smotterí handa sjálfum sér   En ykkur er öllum boðið, ég býst samt við að út verði send boðskort. 

 Látið vita ef þið komist ekki, hilsen Bjarney og Keli. 

Ég var að hugsa um að halda smá grillpartý fyrir áhugasama. Tilefnið er nú ekki af verri endanum... bjóða hana Ernu velkomna heim og kveðja mig þar sem ég held á vit ævintýranna (já og fátæktarinnar reyndar líka...) í Afríku aðfaranótt sunnudagsins.

 

Mér fannst þetta einstaklega sniðugt fyrirkomulag hjá Bjarneyju og Kela um daginn... að allir komi með sitt kjöt og svo verð ég með eitthvað meðlæti (gras og kartöflur og þvíumlíkt!) - eruði ekki til í svoleiðis?

 

Ég held að flestir viti nú af þessu og flestir hafi ætlað að mæta en endilega látið mig vita ef þið komist ekki.

Mæting kl. 20:00. 

 

Sjáumst!!

- Inga Rós

Sælir krakkar mínir.

Ég er að útskrifast á laugardaginn og í tilefni að því er party heima hjá mér milli 20 og 01.

Sjáumst þá!

kv Laufey

Ættum við ekki að reyna að tralla eitthvað um helgina?  Jafnvel á sunnudag, þar sem að það er frí á mánudag?  Kannski að reyna að sjá í skottið á Önnu og Mumma, sem ég hef ekki séð síðan á Akureyri... Nei... smá ýkjur. 

Ég og Keli vorum að pæla hvort að við ættum að halda eitthvað sprell heima hjá okkur?  Kynna þá sem enn hafa ekki séð nýja stofuborðið fyrir því? 

 Hver er stemmarinn?

Þar sem kvöldið í kvöld er víst viðurkennt djammkvöld en ekki annað kvöld verður matarboð/drykkja hjá mér í kvöld kl 8 og sund/strætó/bíóferð frestast. Komið endilega með e-ð sniðugt sem hægt er að setja upp í eigin munn og annarra.

Langar að halda matarboð og samdrykkju annað kvöld heima hjá mér, eruð þið geim?

Jæja nú er Erna væntanleg heim hvað úr hverju (hvaða dag nákvæmlega kemur skvísan heim annars?) Upp kom sú hugmynd heima hjá Bjarneyju um síðustu helgi að skella sér í sund í Vesturbæjarlauginni og fara svo með strætó í bíó (mögulega á Music and lyrics). Einnig telst nauðsynlegur hluti ferðarinnar að fá sér bjór í strætó og ekki væri nú verra ef okkur tækist að henda eins og einum poppkornspoka yfir bíósalinn og setja slatta af nachos-sósu í hárið á konunni í röðinni fyrir framan

Við vorum búin að stinga upp á næsta fimmtudegi (skírdagur).

Ég var að spá... er einhver möguleiki að það sé hægt að hafa sund-strætó-bjór-bíó-ferðina á miðvikudaginn í stað fimmtudagsins? (eru ekki flestir í fríi hvort eð er á fimmtudaginn?) Það er nebbla matarboð heima (svona soldið fínt) og mér finnst pínu leiðinlegt að hlaupa út strax eftir matinn.. en ég geri það nú samt ef þið komist ekki á miðvikudeginum.

Hæ hæ!

Hvað segiði um smá get together annað kvöld kannski um kl. 21? Ég var að tala við Obbu og Laufeyju (og Geir sem var afar fámáll..) á MSN og við vorum jafnvel að hugsa um að hittast hjá Obbu Ég ætla að koma með brownies! Kannski að einhver reddi mjólk (Geir?!?)

Jeiii!! þetta verður ótrúlega fínt - hlakka til að sjá ykkur öll sömul!!!

Sjáumst

 

Halló aftur!! Ég var að pæla í hvort að við ættum ekki að fara að byrja þetta aftur?  Mér fannst svo voða gott að sjá hvað væri að gerast hjá okkur hér   Anyways... Eitthvað að gerast um helgina?

Ég veit ekki hvort einhver les þetta lengur, en ég ætla að halda getttúgeðer á föstudaginn. Bjarney kemur beint úr vísindaferð og við vitum hvað það þýðir. Mætum með bjórinn.
Ykkar,
Anna